ລາວ ADB ຄາດວ່າ ເສດຖະກິດລາວ ຈະຂະຫຍາຍຕົວ ເພີ່ມຂຶ້ນ ໂດຍສະເລ່ຍ 7.9% ໃນປີນີ້
ທະນາຄານພັດທະນາເອເຊຍຄາດໝາຍວ່າເສດຖະກິດຂອງລາວຈະຂະຫຍາຍຕົວ ເພີ່ມຂຶ້ນໃນອັດຕາສະເລ່ຍ 7.9% ໃນຕະຫຼອດ
ປີ 2012 ນີ້ ເນື່ອງຈາກໄດ້ຮັບຜົນ ກະທົບຈາກວິກິດການເສດຖະກິດໃນສະຫະລັດແລະຢູໂຣບ.
ທະນາຄານພັດທະນາເອເຊຍ ຫຼື ADB ໄດ້ສະເໜີລາຍງານເມື່ອບໍ່ດົນມານີ້ວ່າ ວິກິດການເສດຖະກິດທັງທີ່ຢູ່ໃນສະຫະລັດອະເມຣິ
ກາ ແລະສະຫະພາບຢູໂຣບໃນເວລານີ້ ໄດ້ສົ່ງຜົນກະທົບຕໍ່ສະພາບການທາງເສດຖະກິດໂດຍລວມຂອງພູມີພາກເອເຊຍຕາເວັນອອກ
ຢ່າງຫຼີກລ່ຽງບໍ່ໄດ້ ແລະກໍເຮັດໃຫ້ສາມາດຄາດໝາຍໄດ້ວ່າ ເສດຖະກິດໂດຍລວມຂອງເອເຊຍຕາເວັນອອກ ຈະຂະຫຍາຍຕົວຫລຸດ
ລົງໃນປີ 2012 ຕໍ່ເນື່ອງເຖິງປີ 2013 ດ້ວຍ.ອ່ານຕໍ່
ບໍລິສັດ ໂຕໂຢຕາ ເອີ້ນຄືນ ລົດ 7 ລ້ານ 4 ແສນກວ່າຄັນ ໃນທົ່ວໂລກ
ບໍລິສັດໂຕໂຢຕາ ກໍາລັງເອີ້ນຄືນ ລົດຫລາຍກວ່າ 7 ລ້ານ 4 ແສນຄັນ ໃນທົ່ວໂລກ ຍ້ອນຄວາມສ່ຽງຕໍ່ການເກີດໄຟໄໝ້ ເນື່ອງຈາກຂໍ້ບົກຜ່ອງກ່ຽວກັບບ່ອນປິດເປີດແວ່ນ ປ່ອງຢ້ຽມອັດຕະໂນມັດຂອງລົດ ໃນລົດຫລາຍກວ່າ 10 ລຸ້ນ.
ອ່ານຕໍ່
ລັດຖະບານລາວ ຢືນຢັນ ຈະກໍ່ສ້າງ ເຂື່ອນໄຊຍະບຸລີ ຕໍ່ໄປ
ທາງການລາວຈະສືບຕໍ່ດໍາເນີນການກໍ່ສ້າງເຂື່ອນໄຊຍະບູລີ ເທິງລໍາແມ່ນໍ້າຂອງ ຫຼັງຈາກທີ່ໄດ້ທໍາການສຶກສາເພື່ອປ້ອງກັນບັນຫາຜົນກະທົບໃນດ້ານຕ່າງໆ ໄດ້ຢ່າງສົມບູນແບບແລ້ວ.
ເຈົ້າໜ້າທີ່ຂັ້ນສູງໃນກະຊວງພະລັງງານແລະບໍ່ແຮ່ ໄດ້ໃຫ້ການຢືນຢັນວ່າ ການດໍາເນີນການກໍ່ສ້າງເຂື່ອນໄຊຍະບູລີເທິງແນວແມ່ນໍ້າຂອງໃນລາວຍັງຈະມີການດໍາເນີນງານຕໍ່ໄປຢ່າງແນ່ນອນ ຊຶ່ງເວ
ລານີ້ຍັງລໍຖ້າພຽງການເຫັນຊອບຈາກຄະນະກໍາມາທິການແມ່ນໍ້າຂອງ (MRC) ທີ່ມີລາວ ໄທ ກໍາປູເຈຍ ແລະຫວຽນາມ ທີ່ເປັນປະເທດສະມາຊິກຮ່ວມກັນເທົ່ານັ້ນ.
ສາເຫດທີ່ທາງການລາວຍັງຕ້ອງລໍຖ້າການເຫັນຊອບດັ່ງກ່າວ ກໍຍ້ອນວ່າ ສະມາຊິກບາງປະເທດຍັງມີຄວາມກັງວົນໃຈກ່ຽວກັບຜົນກະທົບຕໍ່ສະພາບແວດລ້ອມທໍາມະຊາດ ແລະຜົນກະທົບຕໍ່ສັງຄົມທີ່ອາດຈະເກີດຂຶ້ນຈາກການກໍ່ສ້າງເຂື່ອນໄຊຍະບູລີ ຈຶ່ງເຮັດໃຫ້ຕ້ອງທໍາການສຶກສາເພື່ອປ້ອງກັນບັນຫາຜົນກະທົບດັ່ງກ່າວອີກເທື່ອໃໝ່ ໃຫ້ໄດ້ມາດຕະຖານສາກົນ ແລະເປັນທີ່ຍອມຮັບຂອງສະມາຊິກໃນ MRC ດ້ວຍກັນຢ່າງແທ້ຈິງ
ທະນາຄານໂລກ ທໍານາຍວ່າ ເສດຖະກິດເອເຊຍ ຈະຊັກຊ້າລົງ ໃນປີນີ້
ທະນາຄານໂລກໄດ້ອອກລາຍງານສະບັບນຶ່ງ ທີ່ທໍານາຍວ່າການຂະຫຍາຍຕົວຂອງ ເສດຖະກິດໃນຂົງເຂດເອເຊຍ ໂດຍລວມແລ້ວ ແມ່ນຈະຊັກຊ້າລົງ ໃນປີນີ້.
ລາຍງານທີ່ນໍາອອກເຜີຍແຜ່ໃນວັນຈັນມື້ນີ້ ກ່າວວ່າ ການຂະຫຍາຍຕົວຂອງເສດຖະກິດໃນຂົງເຂດເອເຊຍ-ປາຊິຟິກ ອາດຊັກຊ້າລົງເກືອບວ່າເຕັມນຶ່ງເປີເຊັນກໍໄດ້ ຈາກ 8.2% ໃນ ປີ
2011 ມາສູ່ 7.2% ໃນປີນີ້ ກ່ອນທີ່ຈະຟື້ນຕົວຄືນ ສູ່ 7.6%ໃນປີ 2013.
ລາຍງານສະບັບໃໝ່ນີ້ຍັງກ່າວອີກວ່າ ການສົ່ງອອກທີ່ອ່ອນແອແລະການລົງທຶນທີ່ຊັກຊ້າ ລົງນັ້ນ ຈະຕັດອັດຕາການຂະຫຍາຍ
ໂຕຂອງຜົນຜະລິດຮວມພາຍໃນປະເທດ ຫລື GDP ຂອງຈີນລົງຈາກ 9.3% ໃນປີ 2011 ສູ່ 7.7% ໃນປີນີ້. ແຕ່ເຖິງຢ່າງນັ້ນກໍຕາມ ທາງທະນາຄານ
ກ່າວວ່າ ຕົນຄາດຄະເນວ່າ ເສດຖະກິດຈີນຈະຂະຫຍາຍໂຕຄືນສູ່ອັດຕາ 8.1% ເວລາການກະຕຸກຊຸກຍູ້ທາງເສດຖະກິດ ເລີ່ມໄດ້ຜົນ.
ທະນາຄານໂລກກ່າວອີກວ່າ ບັນດານັກວາງນະໂຍບາຍໃນຂົງເຂດເອເຊຍຕາເວັນອອກແລະປາຊິຟິກ ຈະຕ້ອງໄດ້ສືບຕໍ່ດໍາເນີນການຄຸ້ມຄອງ ໃຫ້ມີການຂະຫຍາຍຕົວຢ່າງຕໍ່ເນື່ອງ
ແລະລຸດຜ່ອນຄວາມທຸກຈົນລົງ ຢູ່ໃນສະພາບແວດລ້ອມທີ່ຈະຂຶ້ນໆລົງໆແບບນີ້.ອ່ານຕໍ່
ກອງປະຊຸມ ASEP ຄັ້ງທີ 7 ຕົກລົງ ຈະເສີມຂະຫຍາຍ ຄວາມຮ່ວມມືໃນ 3 ດ້ານ
ກອງປະຊຸມການເປັນຄູ່ຮ່ວມລັດຖະສະພາເອເຊຍ-ຢູໂຣບຕົກລົງເສີມຂະຫຍາຍຄວາມຮ່ວມມືເພື່ອການພັດທະນາຢ່າງຍືນຍົງໃນ 3 ດ້ານທີ່ສໍາຄັນ ພ້ອມທັງຍັງໄດ້ຮັບສະມາຊິກໃໝ່ເພີ່ມຂຶ້ນອີກ 4 ປະເທດອີກດ້ວຍ.
ກອງປະຊຸມການເປັນຄູ່ຮ່ວມລັດຖະສະພາເອເຊຍ-ຢູໂຣບ(ASEP) ຄັ້ງທີ 7 ຢູ່ນະຄອນວຽງຈັນ ທີ່ໄດ້ໄຂຂຶ້ນຢ່າງເປັນທາງການໃນຕອນເຊົ້າຂອງວັນທີ່ 3 ຕຸລາ ແລະໄດ້ສິ້ນສຸດລົງ
ໃນຕອນບ່າຍຂອງວັນທີ 4 ຕຸລາ ພາຍໃຕ້ການເປັນປະທານຂອງທ່ານນາງ ປານີ ຢາທໍ່ຕູ້ ປະທານສະພາແຫ່ງຊາດລາວນັ້ນໄດ້ມີມະຕິຕົກລົງທີ່ຈະເສີມຂະຫຍາຍຄວາມຮ່ວມມືລະຫວ່າງ
ກັນເຂົ້າໃນ 3 ດ້ານທີ່ສໍາຄັນ ກໍຄືການຮັບປະກັນຄວາມໝັ້ນຄົງດ້ານສະບຽງອາຫານ ໃນເງື່ອນໄຂການປ່ຽນແປງດິນຟ້າອາກາດອັນສັບສົນ ການເພີ່ມທະວີການຮ່ວມມືໃນການຄຸ້ມຄອງໜີ້ສາທາລະນະ ແລະການເພີ່ມທະວີການຮ່ວມມືຂອງສັງຄົມໃນການຄຸ້ມຄອງໄພພິບັດ.